كل مايتعلق بمشروع التخرج MISS 360

السلام عليكم ورحمة الله وبركاته
أخواني وأخواتي الطلبة والطالبات عندي لكم أقتراح يمكن ينفعنا (ينفعني وينفعكم الحين ) وينفع اخواننا الطلبة الي يجو بعدنا ويتخرجون
الاقتراح هو تخصيص هذا الموضوع خاص بمادة مشروع التخرج لنظم المعلومات الادارية MISS360
يوم السبت ولا الاحد على اقصى تقدير مطلوب مننا البربوزل للمشروع ولا احنا داريين بالدنيا وين رايحة
أطلب من الآخوة الي سبقونا ولا الي يعرف زميل ولا زميلة درس هذه المادة يحط لنا بربوزل سابق مع حذف الاسم والرقم الجامعي للطالب على الاقل
حتى نعرف طريقة كتابته وفهم كيف نعمل مثل هذا البربوزل لاننا مثل الصم البكم معقولة يعطينا اوراق البربوزل الساعه 4 العصر يوم الاربعاء
ويطلب مننا البربوزل بيوم السبت والاحد
ثانيا اتمنى يكون هذا الموضوع كمرجع للطلبة في حالة حد من الطلبة احتاج مساعدة وماحصل عليها يطرح مشكلته ونتساعد كاخوة
بيني وبينكم متورط ماداري عن اي موضوع اكتب ولا اختار كان ودي بنظام المدارس بس بالصيفي وين بحصل لي مدرسة مفتوحة
اذا تعرفون مدرسة تشتغل بنظام خريفي خبروني خخخخخخخ
عل وعسى اول مشاركة لي تكون مفيدة لي ولكم وشدوا الهمة وخلكم قدها ترى المشروع شكله ممتع بس شوية غامض من يدري يمكن
بتعاوننا نكسر الرقم السلبي للدرجات بهذا الكورس وربي قهر ماحد يعدي الـ 80 فيها والله حاله يعني حظنا لو حصلنا 75

(الحين بخبركم بشعوري وانا بكتب الموضوع اتوقع بيدخل واحد ولا اثنين وبيردون مشكور ولازم نتساعد وفكره حلوة
ولا نستفيد من الموضوع بس يالله نجرب لعل وعسى)
تحياتي

مشكور اخوي ع هذا الموضوع وان شاء الله يفيد الطلبه
واتمني من كل طالب يكتب الاشياء الي فهمها....
بالنسبه لي هذا الي فهمته من هالمشروع.....
اول خطوه لازم تسويها انك تختار الموضوع مثلا نادي رياضي (اللاعبين , المدرب, اوقات المباريات , مكان المباره ....)
او بنك ( الموظفين , العملاء , طرق تعامل مع العملاء ......)
او شركه بناء (الموظفين , العمال ,الألات والمعدات , المواد المستخدمه .....)
اتمني تكون الفكره واضحه لتختار الموضوع ,, او تختار اي موضوع سهل وتحدد فيها النقاط الرئيسيه....
بعد ماتحدد الموضوع تختار نقطه وحده رئيسه للموضوع مثلا ( اللاعبين , او الموظفين , او العمال )>>> مثلا اللاعبين هي النقطه الرئيسه المرتبط بالنقاط الثانيه ف نفس الموضوع >>>لانك راح تستخدم هذا الرابط بعدين لما تستخدم برنامج Access ....
والافضل انك تروح للمكان الي بتسوي عنه وتسألهم عن قاعده البيانات عندهم وراح يعطونك النقاط الرئيسيه >>>>لو تختار موضوعك في مكان يستخدموا الكمبيوتر لبياناتهم بيكون اسهل من اي مكان يستخدموا الاوراق لبياناتهم...
اما المطلوب تسليمه ف البربوزل يوم الاحد..
1-مقدمه بسيطه عن الشركه
2- نبذه بسيطه عن الموضوع الي بتسويه (مثلا عن اللاعبين او العملاء وعلاقتهم بهالشركه)
3-وتكتب الاهداف من الموضوع
والمطلوب بعد انك تسلم بيانات عن الفترة الي بتسستخدمه للمشروع >>>>يعني راح تستخدم اسبوع للتخطيط ,, 9 ايام لتحليل البيانات ,......نستخدمه في برنامج project (اذا حد فاهم هالبرنامج اتمني انه يوضح لنا طريقه استخدامه >>>لاني قد نسيته ومتذكره منه بس اشياء بسيطه
هذا الي فهمته من المطلوب للبربوزل....

وانا بعد اتمني اذا حد معاه بربوزل لاي طالب من قبل يحطه لتوضح لنا الفكره اكثر واكثر...

مشكورة اختي همس القلم على المشاركة الطيبة ودام فيه تفاعل اكيد عندي لكم بربوزل
الصراحه مدري انا اسميها سرقة ادبية ولا استعارة خخخخخ كنت بشقلب بجهاز الكمبيوتر يوم كان بيشرح لنا الدكتور
عن طريقة كيف تحط فلاش وعشان اطبق الحركة سويت سيرش لملفات فلاش بالجهاز وكانت صدفه خير من الف ميعاد
حصلت اكثر من بروجكت بالجهاز الي كنت جالس بشتغل عليه وللامانة اخذت منهم نسخه في مجلد ورفعته على النت لان ماكان عندي فلاش
المهم وانا بتفرج على المشاريع الي حصلتها حصلت ملف ورد وفيه بربوزل وملف فيه ريبورت وهو باسم بنت
الحين السوال الي يفرض نفسه هل يعتبر هذا سرقة ولاشي من هالقبيل اخاف تكون البنت مشاركة بالمنتدى و
تشوف البربوزل مالها قازح هنا تقول يالله يشيل بربوزل تعبت وشقيت عليه ويحطه هنا
ايش رايكم انتوا هل تشوفون هذا الامر عادي؟ لو كان البربوزل من عند صديق لي كنت بحطه بدون مقدمات ولا كلام طويل
اما بخصوص برنامج ام اس بروجكت ياريت حد ينورنا ويعطينا درس سريع في البرنامج لاني نسيته حتى البرنامج مو عندي اساسا
تقبلوا تحياتي

اشكرك اخوي على تفاعلك ف هذا الموضوع ...
اما بالنسبه للبربوزل الي حصلته انا من رأي انه مو سرقه ادبيه ولا شي.....
وانا اتوقع إلا متاكده ان البربوزل الي حصلته لطالبه من الفصل الماضي واعتقد انها ما بتقول شي لانه هذا بيفيدنا >>>ومابيأثر لانك راح تمسح اسمها ورقمها الجامعي وبهذا ماحد بيعرفها
وان شاء الله هالبربوزل بيفيدنا ...

انا عندي ريبورت لطالبه من السنه الماضيه وهي ما شاء الله عليها شاطره ....>حصلت ف الريبورت نقاط البربوزل لكن هي كاتبه كلام كثييييييييييير (الكلام المتعلق بالبربوزل اكثر من 6 صفحات ومثل ما شرح المدرس ان البربوزل ممكن يكون ف صفحه وحده) >>>بصراحه انا عن نفسي ما اريد اكتب اكثر من صفحه
بحط الريبورت يمكن يعجبكم ويفيدكم....

مرحباااااااا

الريبورت ألي عندي ما اعرف ايش الي صار وانمسح من عندي...

ان شاء الله بكره بنزله ف المنتدى بعد ما اخذه من عند حد من البنات.....

والسموحه ع التأخير

تشكرون جميعا على التواصل الطيب ونتمنى ان نتكاتف لتعم الفائدة على الجميع
وبمكنكم تحميل الملفات عن طريق مركز التحميل
هذا
مركز تحميل يدعم ملفات الوورد

وبخصوص البرنامج
Microsoft Project 2003
لقد نزلت موضوع يحتوي على رابط للبرنامج نفسه مع الشرح

ارجو ان تستفيدوا منه
ادخل لمشاهدة الموضوع من هنا

تسلمي اختي الثقافه....

مشكورات اخواتي على التفاعل في الموضوع
بالنسبة للبربوزل رفعته على الموقع الي اختي الثفافة اعطاتنا اياه
وهذا هو الرابط http://alejaaby.com/up/download-a61e74a070.doc.html
اما بالنسبة للريبورت شكلي اخذت مقلب باسم الملف طلع فاضي مافيه اي معلومة بس المهم البربوزل
باخذ لي جولة سريعه بموضوع البروجكت انزل البرنامج وكم من درس على الخفيف
مشكورة اختي الثقافه على الرابط
تقبلوا تحياتي

يسلموو الجميع
وان شاء الله كل الطلبه يستفيدوا

هذا الرابط للريبورت ألي عندي.....

واتمني انه يفيدكم....

http://alejaaby.com/up/download-9d247318dc.rar.html

وان شاء الله اذا وصلني اي بربوزل او رييبورت على طول للمنتدى

مشكوره اختي همس القلم على الريبورت
صراحه ريبورت طويل الله يعين اذا سويت واحد مثل هذا اعتبر نابغة
بس على الاقل نعرف الطريقة كيف نسويه

تحياتي

اذا الرابط الاول ما اشتغل ....

هذا الرابط الثاني...

http://www.hdrmut.net/up/download.php?filename=e2785f77fa.doc

انا نزلت من الرابط الاول وشغال 100% ماعليه
زين زيادة رابط اخر زيادة الخير خيرين
الظاهر البربوزل الي ارفقته النقاط التالية
Major Problem
Conclusion
الطالب الي عمل البربوزل مسوي لهن كوبي بيست
من الهاند الاوت الي عطانا اياها الدكتور
لو في بربوزل افضل من الموجود ياريت حد يضيفه
تحياتي

مرحبا
كل البربوزل اللي شفتهم رقم 3 و 4 كوبي بست ما يغيروا فيهم
بس اتوقع خطأ هالطريقه
وحبيب كل ما يدخل عليه طالب يسأله من هالشئ يغير كلامه كل طالب عطاه شئ

help

بعد اطلاعي على النوتة هي عبارة عن مجرد توضيح للفكرة نفسها

Major Problem
* Search Problem: هنا المفروض تكمل ونوضح مشكلة البحث التي ممكن ان تواجهنا
* Data Redundancy: هنا نكمل ونوضح مشكلة تكرار البيانات او المعلومات التي نجمعها للمشروع
*Time Consumption Problem: هنا نكمل ونوضح اين يمكن ان الوقت لن يكفينا في اي مرحلة من المشروع .

اما النقطة الاخيره
عبارة عن ملاحظة ختامية للمشروع ككل ومدى استفادتك العامة من البرامج والدراسات التي قمت بها خلال بحثك عن البيانات

877

اتوقع هو يريد نختار نقطه وحده من الثلاث

lol!

أختي انين الصمت بالنسبة للنقطة رقم 3 الي هي Method of study هي طريقة الدراسة ايش راح تعملي مثل قولي اول شي بروح للجهة المعنية الي بتسوين عنها المشروع ومن ثم بتقابلي المسئول عن النظام ثانيا بتجمعي المعلومات من خلال المقابله ثالثا راح تحللي هذي المعلومات رابعا راح تبدي بتصميم البرنامح خامسا بتسوي اختبار للبرنامج بعد التصميم اخير امبليمنتيشون

عن نفسي سويت كذا ومدري هل هو صح او غلط

بالنسبة للنقطة الرابعه
انا طلعت عيوب من راسي عن النظام الموجود بالجهة المعنية الي راح اعمل مشروعي عنها وكلهن في اطار البحث والتحديث والادخال والحذف للمعلومات ومن ضمنهن ان نظامهم مو عملي ويضيع الكثير من الوقت شغلي غريزة الحش عندك شويه هههههه لكن ممكن يورطك يقولك كيف عرفتي كل هالاشياء انا عن نفسي بقوله رحت وشفت لفه سريعه

النقطة الخامسة
هنا نوصل لغريزة التاليف الفي من راسك ان النظام الي بتسوينه بيحل المشاكل السابقة في النقطة الرابعه وراح يكون مفيد للجهة المعنية لو كانت شركة قولي راح يساهم بزيادة المبيعات ولا اذا كان موارد بشرية قولي راح يسهل عملية التوثيق والوصول للمعلومات بسهولة

هذا الي سويته انا لان كل الابواب مسكرة بوجوهنا من الدكتور كل واحد يدخل عنده يعطيه كلام ماعاد درينا نرسي على اي بر
عن نفسي رسيت على المنطق وهو الي سويته والله يكون بعوننا

مشكووور
جزاك الله ألف خير
ألحين عرفت طريقي

مشكور اخوي على هالتوضيح...

بصراحه الحين توضحت لي الفكره اكثر...

يارب تكون الفكرة صحيحة تراني مو متاكد منها مية بالمية
بس هذا افضل ماتوصلت اليه والله يعيينا بكره على حبيب
تراني طالب مثلكم ولا درستها من قبل لو صابت كان بها
ولو خابت ماحد يدعي عليا

بالتوفيق للجميع

مشكور اخوي على تعاونك
انا عن نفسي لما سألت حبيب عن النفطه الرابعه والخامسه....
قال لي كتبي المشكله الي واجهتيها في بدايه المشروع >>>>وانا اساسا ماواجهت مشاكل حتى الحين (امس بدينا ف المشروع والمشاكل ع الطريق عادهم ما وصلوا)
وقال لي عادي كتبي انش ما واجهتي مشاكل حاليا>>>لان في الريبورت راح نكتب عن المشاكل الي واجهناها ف المشروع
اما النقطه الخامسه>>>هذي الي ما فهمتها

(لان اساسا هالنقطتين راح نحصل اجابتهم بعدين لما نتعمق ف المشروع وراح نستخدم هالاجابه ف الريبورت)

وانا اتوقع تحليلك للنقطتين صح >>>> اجاباتك منطقيه

بالنسبة للنقطة الرابعه ماتقدر تسويهن الا وانت
قد سويت مقابله مع الجهة المعنية عشان تعرف ايش من مشاكل بالنظام
النقطة الخامسة تاليف وابدعات من راسك
الزبدة منها انه هذا النظام الي بتسويه بيحل كل المشاكل الموجودة بالنقطة الرابعة
وشوية حشو كلام ويفضل استخدام مصطلحات تجارية الربحية وتوفير الوقت دقة العمل والتوثيق
الحمدلله اول خطوة اتوقع عدت على خير

يالله شدوا الهمة للخطوة الثانية
الحين فترة التحليل

اولا نروح للجهة المعنية للمشروع (وممكن ماتروح) اذا كنت عارف الي بتسوية
وتكون محضر قائمة اسئلة بحدود صفحة واحده (قالي عادي وحده تكفي) ومن ثم تسال الاسئلة
للمسئول عن النظام وتسجل الاجابات عندك

ثانيا تحلل هذي المعلومات يعني ورقة الاسئلة تحطها على ايدك اليمين
وتكتب برجرافات كل وحده خاصة بالسوال واجابته وطريقتك لحل المشكلة اتوقع هذا
هذي للحين فكرة مبدئية اذا جد جديد بخبركم

وياريت الي عنده اي معلومات اخرى عن هذي الفترة ينورنا
يمكن انا اعرف حاجة بسيطة وانت تعرف شوي والثالث يعرف شوي
لما نركب كل الي يعرفه جميع الاطراف يمكن تكون المعلومة كاملة ولاناقصة بشكل جزئي وبسيط

تحياتي لكم

الحمد لله الخطوه الاولي وعديناها والله يساعدنا ع الخطوه الثانيه

مشكور اخوي على توضيحك لفكرتك ورأيك عن الخطوه الثانيه >>>>>الــتــحــلـــيـــل

انا ألي فهمته من هالخطوه انه اكتب عن المقابله الي سويتها يعني اكتب الاسئله الي طرحتهم للشخص الي سويت معه المقابله واكتب الجواب>>>>اتوقع يكون سؤال وتحته الجواب (عدني بسأل ف طريقه الكتابه اذا كانت برجراف او سؤال وتحته جواب )

والنقطه المهمه ف هالمرحله.....
انه لازم تجمع البيانات من الحين ((تأخذ من الجهه المعنيه قاعده البيانات )) وبعدين تريتبهم وتستنتج ال Fields وبعده تكتب النقاط تحت كل وحده.......
مثلاً 1) الموظفين:
_الاسم الاول
-الاسم الاخير
- العنوان
-رقم الهاتف
تكتب اكثر من Fields تقريبا خمسه او سته وكل وحده وتحتها نقاطها نفس الخطوات الي فوق...
وتكتب هالخطوات ف اوراق مبدئيا ولما يوافق راح نطبقهم عملي ع الكمبيوتر ف الخطوه الثالثه

انا هذا الي فهمته من المطلوب وياريت اذا حد فهم الموضوع غير عن الي فهمته يخبرنا...وياريت اذا حد عنده فكره اوضح يخبرنا بعد

وانا ان شاء الله اذا حصلت اي شي متعلق بهالخطوه على طول للمنتدي...

الحين شفت ريبورت لطالبه وكاتبه فيه interview وكتبته على شكل برجراف وفيه السؤال والجواب....
وهذا هو مقطع الانترفيو...

Here I Used Interview Method to get the information from A receptioner who

work in Sultan Qaboos Hospital .I Ask him : What Is Your Personally Mission

here In Sultan Qaboos Hospital . He Answer : My Personal Mission Is

Areceptioner In Sultan Qaboos Hospital . Therefore, My main J ob here is to

confront all the visitors that are coming and asking a bout their patient and my job

basically focus in How to answer their Questions and any Explanation by using

HIMS System ( Health Information Management system ). Also, I have to show

which department are they admitted their patients. Moreover, the Receptioner in

Sultan Qaboos Hospital have another administration work which is to stamp some

administrative papers like sick leave paper and Job Application .

وبالتوفيق.....

مشكووورة اختي همس القلم وجزاك الله الف خير
وان شاء الله كل واحد يحط الي يحصله ولا اي جديد يتعلق بالموضوع
تحياتي